मोरङको कानेपोखरी गाउँपालिका–२ मा चट्याङले लागेर बिहीबार एक महिलाको मृत्यु भएको छ । हावाहुरी र वर्षासँगै परेको चट्याङले लागेर ४० वर्षीया सुकवती राजवंशीको मृत्यु भएको मोरङ प्रहरीका प्रवक्ता डीएसपी मानबहादुर राईले जानकारी दिए ।
उनका अनुसार घरनजिकै रहेको बारीमा गाईगोरु सार्ने क्रममा परेको चट्याङले लाग्दा सुकवती घाइते भएकी थिइन् । उपचारका लागि उर्लाबारीको मंगलबारेस्थित मदन भण्डारी अस्पताल पुर्याएपछि चिकित्सकले उनलाई मृत घोषित गरेको प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
