दशौं गणतन्त्र दिवसको अवसरमा थाहा नगरको विकासघरमा दिपावली गरेर मनाइएको छ । थाहा नगरपालिकाको प्रथम जन निर्वाचित नगर प्रमुख लवसेर विष्टबाट दिप प्रज्ज्वलन सुरु गरि दिपावली मनार्ईएको छ ।
कार्यक्रममा थाहा नगरपालिका उप प्रमुख खड्ग गोपाली, थाहा नगरपालिका ३ का वडा अध्यक्ष राजेश के.सी, वडा नं. ४ वडा अध्यक्ष दिपक सिं लामा, नेपाली काँग्रेस थाहा नगरपालिका सभापति योगेन्द्रमान श्रेष्ठ, नेकपा माओवादी केन्द्रका क्षेत्रीय इन्चार्ज विष्णु विष्ट, थाहा नगरपालिका कार्यालयको प्रशासन प्रमुख अनिल लामिछाने लगायतको उपस्थिति रहेको थियो ।
कार्यक्रममा नगर प्रमुख लवशेर विष्टले गणतन्त्र ल्याउन सहिद हुने ज्ञात अज्ञात सहिदहरुलाई सम्झदै सहिदहरुले ल्याएको गणतन्त्रलाई संस्थागत गर्दै अगाढी बढनुपर्ने भन्दै नगरवासीलाई गणतन्त्र दिवसको सुभकामना दिए ।
