मकवानपुरमा पछिल्लो २४ घण्टामा कोरोना सङ्क्रमणका कारण एक जनाको मृत्यु भएको छ । थप ७३ जनामा कोरोना सङ्क्रमण पुष्टि भएको छ । हेटौंडा अस्पतालको कोभिड–१९ उपचार कक्षमा उपचारको क्रममा हेटौंडा उपमहानगरपालिका वडा नम्बर–९ कि ४१ वर्षीया महिलाको मृत्यु भएको अस्पतालले जनाएको छ ।
अस्पतालका अनुसार हालसम्म अस्पतालमा २७ महिला र ५० पुरुष गरी ७७ जना कोरोना संक्रमितको मृत्यु भएको छ । यसैगरी कोरोना जाँच गर्दा ७३ जनामा पुष्टि भएको हो । ४३ जनाको पीसीआर परीक्षणबाट र ३० जनाको एन्टिजेन परीक्षणबाट कोरोना पुष्टि भएको स्वास्थ्य कार्यालय मकवानपुरले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
