होम आइसोलेसनमा बसेका कोरोना भाइरस संक्रमितलाई चितवनको खैरहनी नगरपालिकाले घरमै औषधि पुर्याउने व्यवस्था मिलाएको छ । संक्रमण देखिएकाहरुमा रोग प्रतिरोधी क्षमता बढाउने आवश्यक औषधि उनीहरुको घरसम्म पुर्याउन थालिएको नगरपालिकाले जनाएको छ ।
खैरहनी नगरपालिकाको वडा नम्बर १ र ८ भित्र रहेका संक्रमितहरूलाई सम्बन्धित वडा कार्यालयले स्वास्थ्यसंस्थामार्फत औषधि घरमै पुर्याएको स्वास्थ्य शाखा प्रमुख अनुप अधिकारीले जानकारी दिए । रोग प्रतिरोधी क्षमता बढाउन भिटामिन सी, भिटामिन डी र जिंकको आवश्यकता पर्दछ ।
खैरहनी नगरपालिकाका प्रमुख लालमणि चौधरीले सबै वडा कार्यालयहरुलाई संक्रमितको घरमा औषधि पुर्याउन भनिएको बताए । खैरहनीमा मंगलबारसम्म १०१ जनामा कोरोना भाइरसको संक्रमण देखिएको छ । त्यसमध्ये ९२ जना सक्रिय संक्रमित छन् भने ९ जना निको भएका छन् ।
संक्रमण देखिएकामध्ये ८२ जना होम आइसोलेसन तथा १० जना अस्पतालको आइसोलेसनमा छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
