मकवानपुरमा लागु औषध गाँजा सहित तीन जना पक्राउ गरेका छन् । मकवानपुर प्रहरीले १२ किलो ३ सय ग्राम लागुऔषध गाँजा सहित तीन जनालाई पक्राउ गरेको हो ।
पक्राउ पर्नेहरुमा मकवानपुरको कैलाश गाउँपालिका–७ बस्ने ४७ वर्षीय हिरा बहादुर मोक्तान, सोही ठाउँ बस्ने २४ वर्षीय राम बहादुर मोक्तान र २४ वर्षीय ठाकुर सुनार रहेका छन् । उनीहरुलाई राक्सिराङ गाउँपालिका–५ बोटबारीबाट पक्राउ गरिएको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले जानकारी दिए ।
शंकास्पद रुपमा झोला बोकेर हिँडिरहेको अवस्थामा जाँच गर्दा उक्त परिमाणको गाँजा बरामद भएको उनले जानकारी दिए । गाँजासहित पक्राउ परेका तीनै जनाबिरुद्ध थप अनुसन्धान भइरहेको प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
