रुपन्देहीका एक पत्रकारको शनिवार राति कार दुर्घटनामा परी मृत्यु भएको छ । मृत्यु हुनेमा तिलोत्तमा–६ मा बस्दै आएका २८ वर्षिय पत्रकार कृष्ण पाण्डे रहेका छन् ।
उनको सिद्धार्थ राजमार्गको बुटवल भैरहवा सडक खण्ड अन्तरर्गत तिलोत्तमाको ड्राइभरटोलमा बा७च ६९५९ नम्बरको कार दुर्घटना हुँदा मृत्यु भएको हो । उनको कार सडकको डिभाइडरमा ठोक्किएर दुर्घटना भएको प्रहरीले जनाएको छ ।
तीव्र गतिका कारण कार दुर्घटना भएको हुनसक्ने अनुमान लगाइएको छ । दुर्घटनामा परी गम्भीर घाइते भएका उनलाई बुटवलको चौराहा हस्पिटल प्रालिमा ल्याइएपनि अस्पतालले मृत धोषणा गरेको जनाइएको छ । उनी न्यूज २४ टेलिभिजनको रुपन्देही संवाददाता थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
