नेकपा एमाले थाहा नगर कमिटीका अध्यक्ष अच्युत्तमप्रसाद ढकालले व्यक्तिगत तर्फबाट थाहा नगरपालिका वडा नम्बर ७ कार्यालयलाई खाद्यान्न सामग्री सहयोग गरेका छन् । अध्यक्ष ढकालले ३० जेठमा वडा नम्बर ७ को कार्यालयमै पुगेर वडा अध्यक्ष सनमसिं मुक्तानलाई सहयोग हस्तान्तरण गरेका हुन् ।
वडा अध्यक्ष मुक्तानले ढकालबाट १० बोरा जिरा चामल, १ बोरा रातो दाल, २ कार्टुन भटमास तेल र ५ कार्टुन वाइवाइ चाउचाउ प्राप्त भएको जानकारी दिए ।
सहयोग गरिएको सामग्री कोरोना कहरका कारण हातमुख जोर्न समस्या भएका विपन्न वर्गका व्यक्तिहरुलाई राहतको रुपमा प्रदान गर्न ढकालले आग्रह गरे ।
सो अवसरमा एमाले मकवानपुरका जिल्ला कमिटी सदस्य सुरेन्द्रमान प्रधान, नगर कमिटी सचिव कुमार नेगी, नगर सचिवालय सदस्य रामराजा केसी, स्थानीय शम्भु खत्री लगायतको सहभागिता थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
