मकवानपुरको प्रशिद्ध ऋषेश्वर क्षेत्र संरक्षणको काम अघि बढ्ने भएको छ । थाहा नगरपालिकाले ऋषेश्वर क्षेत्र संरक्षण गरी पर्यटन प्रवर्धन गर्न विस्तृत परियोजना प्रतिवेदन(डिपिआर) तयार गरेपछि अब काम अघि बढ्ने भएको हो ।
चालु आर्थिक वर्षका लागि डिपिआर अन्तर्गत् ऋषेश्वर गुम्बा संरक्षण कार्यका लागि रु.एक करोड दुई लाख उनान्नब्बे हजार ५१९ मा ठेक्का पारित भएको छ । पुरातत्व विभागले सो गुम्बाको संरक्षण कार्य सम्पन्न गर्न ठेक्का लगाएको हो ।
गोरखापत्रमा प्रकाशित सूचना अनुसार रितपूर्वक दर्ता भएका बोलपत्रहरुमध्ये छायाँश्वरी निर्माण सेवा प्रा. लि. लाई छनोट गरिएको पुरातत्व विभागले जनाएको छ । विभागले १६ भदौमा सिलबन्दी बोलपत्र स्वीकृत गर्ने आशयको सूचना सार्वजनिक गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
