बझाङमा एक व्यक्तिले आफ्नै श्रीमतीको कान काटेका छन् । आफ्नै श्रीमतीको काम काट्ने जयपृथ्वी नगरपालिका १ भण्डारगाउँका २५ वर्षीय मनोज नेपालीलाई प्रहरीले पक्राउ गरेको छ । उनले परपुरुषसँग बोलेको भन्दै श्रीमती २१ वर्षीय जानकी नेपालीको कान काटेका हुन् ।
श्रीमतीको कान काटेपछि फररार रहेका मनोजलाई प्रहरीले पक्राउ गरेको हो । उनीहरु विवाह गरेको केही महिनादेखि नै झगडा गरिरहेका थिए ।
गत ३० असारमा अर्कै एक व्यक्तिसँग बोलेको भन्दै मनोजले जानकीको कान चक्कुले काटेका थिए । घाइते भएकी जानकीको अहिले जिल्ला अस्पताल बझाङमा उपचार भइरहेको प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
