मकवानपुरको हेटौंडामा सडक २५ मिटर फराकिलो बनाउने अभियानमा प्रमुख भुमिका निर्वाह गरिरहेका मध्यमाञ्चल क्षेत्रीय प्रशासक विनोद केसी र सहायक क्षेत्रीय प्रशासक विश्वप्रकाश सुवेदीको सरुवा भएको छ ।
केसीलाई नेपाल सरकारको मन्त्री परिषदको बैठकले सार्वजनिक खरिद अनुगमन कार्यालय काठमाण्डौको प्रमुखको रुपमा सरुवा गरेकोे छ । सहायक प्रशासक सुवदीलाई अर्थ मन्त्रालयमा सरुवा गरेको हो । बैठकले केसीको सरुवा गर्दै शंकर कोइरालालाई सचिवमा बढुवा गरी मध्यमाञ्चल क्षेत्रीय प्रशासन कार्यालय हेटौँडाको प्रमुखको रुपमा नियुक्त गरेको छ ।
हेटौंडामा २५ मिटर सडक फराकिलो बनाउने अभियानले सुरुवात पाएसँगै प्रधानमन्त्री प्रचण्डको ध्यानाकर्षण गराउनु र केसी तथा सुवेदीको सरुवा हुनुलाई अर्थपुर्ण रुपमा हेरिएको छ । सरुवा भएका केसीले भने–‘ऐन नियम भन्दा माथि कोही हुँदैनन्, सबैले कानून अनुसार नै काम गर्ने हो, जो आए पनि सडक फराकिलो बनाउने कार्यलाई निरन्तरता दिनेछन् ।’
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
