नेकपा माओवादी केन्द्रकाे प्रथम थाहानगर सम्मेलन ५९ सदस्य नगर कमिटी चयन गर्दै ११ मंसिर राती अबेर सम्पन्न भएकाे छ । बन्दसत्रले थाहानगरका सबै वडाबाट प्रतिनिधित्व हुनेगरी ५९ जना सदस्य चयन गरे पनि पदाधिकारी भने टुंगो लागेकाे छैन ।
पदाधिकारी तथा सदस्यहरुमा अधिक आकाँक्षी देखिएपछि निर्वाचन मण्डलले मतदानमा जानुभन्दा वडावडाबाट नगर कमिटी सदस्य सिफारिश गर्न आह्वान गरेकाे थियाे । यसरी वडाका प्रतिनिधिहरुले जम्मा ५९ जना सिफारिस गरेकाे र ६ जना नगर कमटीले मनाेनित गर्ने गरी कमिटीको टुंगो लागेकाे पत्रकार शम्भु अधिकारीले जानकारी दिए ।
वडावडाबाट सिफारिस भई आउनुपर्ने भएपछि यसअघि वडा कमिटीमा रहेकाहरु नगर कमिटीमा आउन पाएनन् । वडा कमिटीमा नरहेका नगर कमिटी पदाधिकारी र सदस्यका आकाँक्षीहरु भने वडाबाटै सिफारिस भएर आएका छन् । नगर कमिटीमा अध्यक्षका आकाँक्षीहरु अरुण रायमाझी, विनाेदकुमार लामा र मनाेज अधिकारी तीनै जना आएका छन् ।
सम्मेलनले नगरकमिटीमा चयन गरेका सदस्यहरुमध्येबाट पदाधिकारी चयन गरिने निर्वाचन मण्डलका सदस्य निरञ्जन अधिकारीले बताए । पदाधिकारीका आकाँक्षीहरु सदस्यमा चयन भएर आएपछि अब उनीहरुबीच पहिलाे बैठकमै पदका लागि रस्साकस्सी हुने देखिएकाे छ । 
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
