नेत्रविक्रम चन्द ‘विप्लव’ नेतृत्वको नेकपा माओवादीले पार्टी पुर्नगठनको अवसरमा मकवानपुरको तीन स्थानीय तहमा मैत्रीपुर्ण फूटबल प्रतियोगिता आयोजना गरेको जनाएको छ । यहि मंसिर ८ गते परेको विप्लव माओवादीको पुर्नगठन दिवसको अवसरमा कार्यक्रम भएको हो ।
विप्लव माओवादीले मकवानपुरको हेटौंडा उपमहानगरपालिका, मनहरी र बकैया गाउँपालिकामा फुटबल प्रतियोगिता गरेको पार्टी स्रोतले जनाएको छ । स्थानीय युवाहरुको सहभागितामा भएको प्रतियोगिताका विजयी टिमलाई नगद पाँच÷पाँच हजार रुपियाँ पुरस्कार वितरण गरिएको जनाएको छ ।
