नेकपा एमालेको भातृ संगठन राष्ट्रिय युवा संघ नेपाल थाहा नगर कमिटीले पूर्णता पाएको छ भने सचिवालय समेत गठन गरिएको छ ।
युवा संघ थाहानगर कमिटीको १४ कात्तिकमा बसेको पूर्ण बैठकले रिक्त रहेको उपाध्यक्षमा रुपेश श्रेष्ठ, उपसचिवमा मोहनदास प्रधान र कोषाध्यक्षमा विक्रम श्रेष्ठलाई सर्वसम्मत् चयन गरेको हो । यसअघि १३ असोजमा सम्पन्न युवा संघको नगर अधिवेशनले कमिटीको अध्यक्षमा प्रदिप भट्ट र सचिवमा सुमन रायमाझीलाई निर्वाचित गरेको थियो ।
बैठकले ३१ सदस्यीय सचिवालय कमिटीसमेत गठन गरेको छ । सचिवालयमा अध्यक्षमा प्रदिप भट्ट, उपाध्यक्षमा रुपेश श्रेष्ठ, सचिव सुमन रायमाझी, कोषाध्यक्ष विक्रम श्रेष्ठ, उपसचिवमा मोहनदास प्रधान सहित थाहाका १२ वटै वडाबाट प्रतिनिधित्व गर्ने कमिटी सदस्यहरु रहेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
