नेकपा माओवादी केन्द्रको आसन्न थाहा नगर कमिटी निर्वाचनमा मनोज अधिकारीले अध्यक्ष पदमा उमेदवारी दिने भएका छन् । थाहा टाइम्ससित कुरा गर्दै अधिकारीले माओवादी केन्द्रको अध्यक्ष पदका लागि आफ्नो दावी रहने जानकारी दिए ।
२०४८ सालबाट अखिल छैठौँको विद्यार्थी राजनीतिबाट राजनीतिक यात्रा शुरु गरेको अधिकार २०५१ सालबाट संयुक्त जनमोर्चा नेपालमा सक्रिय भएका थिए ।
२०५४ सालमा जनमोर्चा नेपालको पार्टी सदस्यता लिएका उनले त्यसयता स्व. रुपचन्द्र विष्टको जनमुखी राजनीतिबाट प्रेरित भइ राजनीतिक तथा सामाजिक कार्यमा सक्रिय रहँदै आएका बताए ।
२०६४ पछि नेकपा माओवादी र एकता केन्द्रबीच पार्टी एकता भएपछि अधिकारी एकीकृत पार्टीको वडा कमिटी अध्यक्ष चयन भएका थिए । २०७० सालपछि उनी पार्टीको नगर कमिटीमा रहेर काम गर्दै आएका छन् ।
पार्टीलाई नगरमा थप व्यवस्थित बनाउन र जनमुखी काममा जोड्न आफ्नो उमेदवारी रहेको अधिकारीले थाहा टाइम्सलाई बताए ।
माओवादी केन्द्रको प्रथम नगर सम्मेलन तथा कमिटी निर्वाचन यही ११ मंसिरमा जेसीज सभा हलमा हुँदैछ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
