मकवानपुरमा सक्रिय संक्रमितको संख्या ४ सय ९ जना पुगेको छ ।
उत्तरी मकवानपुरको थाहामा एन्टीजेन विधिबाट गरिएको परीक्षणमा थप १३ जनामा कोरोना पुष्टि भए संगै सक्रिय संक्रमितको संख्या ४ सय ९ पुगेको हो ।
थाहामा १९ जनामा एन्टीजेन विधिबाट गरिएको परीक्षणमा १३ जनामा सक्रमण देखिएको थाहा नगरपालिकाको स्वास्थ्य शाखाले जनाएको छ । यो संगै मकवानपुरमा शुक्रबार कोरोना पुष्टि हुनेको संख्या ८४ जना पुगेका छन् । यसअघि शुक्रबारनै ८५ जनाको पिसिआर परीक्षणमा ५६ जना र एन्टीजेन विधिबाट ३२ जनाको परीक्षणमा १५ जना गरी ७१ जनामा कोरोना पुष्टि भएको थियो । पिसिआर परीक्षण रिपोर्टमा हेटौंडाका ५५ जना र बागमती गाउँपालिकाका एक जना गरी ५६ जना रहेका छन् । यसैगरी एन्टीजेन परीक्षणमा हेटौंडाका ६ जना र मनहरीका ९ जनामा कोरोना पुष्टि भएको थियो ।
यो संगै मकवानपुरमा हालसम्म पुष्टि भएका सक्रिय संक्रमितमा ३ सय ९० जना घरमा,१० जना हेटौंडा अस्पतालको आईसियूमा र ९ जना गौरिटार आइसोलेसनमा उपचाररत रहेका छन् ।
मकवानपुरमा हालसम्म पुष्टि भएका ४ हजार ३ सय २३ जनामा कोरोना पुष्टि भएकामा ३ हजार ८ सय ७९ जना संक्रमण मुक्त भएका छन् । मकवानपुरमा हालसम्म कोरोनाको कारण ३५ जनाको मृत्यु भएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
