थाहा नगरपालिका वडा नम्बर २ मा अवस्थित ऐतिहासिक पालुङ गढी परिसरमा सरसफाइ गरिएकाे छ । साथै आगामी दिनमा फाेहाेरमैला व्यवस्थापनकाे लागि चाेयाकाे थुन्से राखिएकाे छ ।
पालुङ जेसीजको आयोजना तथा ईलाका प्रहरी कार्यालय पालुङको समन्वयमा गढी परिसर सरसफाइ सहित ठाउँठाउँमा थुन्से डस्विन राखिएको कार्यक्रम संयोजक नविना बिष्टले जानकारी दिइन् ।
पालुङ जेसीज बर्ष २०२५ का अध्यक्ष माधव कार्कीको अध्यक्षता तथा वडा न २ का वडासदस्य युवराज बिष्टको प्रमुख आतिथ्यतामा शनिबार बिहान सम्पन्न कार्यक्रममा प्रमुख अतिथि बिष्टले पालुङ गढी संरक्षणमा वडा कार्यालयले काम गरिएको स्मरण गराउदै आगामी दिनमा पनि गढी संरक्षणमा वडाले स्थानीयसंग हातेमालो गर्दै अगाडि बढ्ने बताए।
ईलाका प्रहरी कार्यालय पालुङका प्रहरी नायब निरीक्षक नारायण प्रसाद ढकालले नेपाल प्रहरीले समुदाय र विभिन्न संघसंस्था संग मिलेर सहयोग आदानप्रदान गरिरहने बताए ।
जेसीज जनसम्पर्क अधिकारी कमल बिष्टले संचालन गरेको कार्यक्रममा पालुङ गढी संरक्षण समितिका अध्यक्ष अजय कार्की,चुनिदेवी सामुदायिक बन उपभोक्ता समितिका अध्यक्ष अर्जुन कार्की लगायत जेसीज बर्ष २०२५ का बोर्ड पदाधिकारी तथा स्थानीयको उपस्थिति रहेको थियो ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1793696273.jpg)
