मकवानपुरकाो थाहा नगरस्तरीय दोस्रो उपमेयर कप ब्याडमिन्टन प्रतियोगितामा १२ टिम भिड्ने भएका छन् । थाहा नगरपालिकाको आर्थिक सहयोगमा फरक सोचले आयोजना गर्ने उक्त प्रतियोगिता २१ पुसबाट संचालन हुने संयोजक यादवजंग रायमाझीले जानकारी दिए ।
प्रतियोगिताको उद्घाटन खेल २१ पुस विहान ७ बजे हुने खेल व्यवस्थापक फरक सोचले जनाएको छ । थाहा आन्दोलनका प्रणेता रुपचल्न्द्र विष्टको जन्मोत्सवको अवसरमा गतवर्षबाट शुरु भएको प्रतियोगिताको उद्घाटन खेल नेपाल विद्युत प्राधिकरण पालुङ वितरण केन्द्रको खेल मैदानमा हुने भएको छ ।
प्रतियोगिता अन्तर्गत उद्घाटन खेल बज्रबाराही र अध्याय रिट्रिट बिच हुने खेल तालिका सार्वजनिक भएको छ । त्यस्तै दोस्रो खेल घर्तीखोला र थाहा नगरपालिका ‘बी’, तेस्रो खेल नेपाल विद्युत प्राधिकरण पालुङ र थाहा नगरपालिका ‘सी’ तथा चौथो खेल ओम नमः शिवाय र थाहा नगरपालिका ‘डी’ बीच २१ पुसको खेल तालिकामा उल्लेख छ ।
खेल व्यवस्थापक फरक सोचले खेलाडीहरुलाई समयमै उपस्थित हुन आग्रह गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
