मकवानपुर थाहा नगरपालिकाले नगरमा संचालित विद्यालयको विद्यार्थी विवरण मागेको छ । नगरमा रहेका विद्यालयहरुलाई एक सूचना जारी गर्दै नगरपालिकाको शिक्षा शाखाले शैक्षिक सत्र २०७७ को अद्यावधिक विद्यार्थी भर्ना विवरण माग गरेको हो ।
थाहा नगरपालिका शिक्षा शाखाले १९ कात्तिकमा एक सूचना प्रकाशित गरी शाखाबाट विभिन्न शैक्षिक योजना निर्माण गर्न आवश्यक भएकोले विद्यार्थी विवरण माग गरेको जनाएको छ । शाखाले विद्यालयमा हालसम्म भर्ना भएका विद्यार्थीहरुको विवरणको सफ्टकपी र हार्डकपी यही कात्तिक २३ गतेभित्र पेश गर्न विद्यालयहरुलाई सूचित गरेको छ ।
यदि अद्यावधिक विवरण पेश नगरे यसअघि बुझाएको विवरणलाई नै अन्तिम आधिकारिक विवरण मान्ने पनि नगर शिक्षा अधिकारी शोभाकर रेग्मीले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
