थाहा नगरपालिकाका ४ जना निर्वाचित वडा अध्यक्षसहित १५ जना जनप्रतिनिधिले ११ बैशाखमा पदबाट राजीनामा दिएका छन् ।
राजीनामा दिनेमा वडा नं. १ का वडा अध्यक्ष हेरमान गाेपाली, वडा नं. २ का वडा अध्यक्ष गुप्तबहादुर कार्की, वडा नं. ५ का वडा अध्यक्ष विष्णुबहादुर गुरुङ, वडा नं. १० का वडा अध्यक्ष हिराबहादुर गमाल र अन्य वडा सदस्यहरु रहेका छन् । ३० बैशाखमा हुने स्थानीय निर्वाचनमा उमेदवारी मनाेनयन दर्ता गर्ने भएपछि उनीहरुले नियमानुसार राजीनामा दिएका हुन् ।
सबै राजीनामा नियमानुसार आजै स्वीकृत भएकाे थाहा नगरपालिकाका प्रमुख प्रशासकीय अधिकृत हरिलाल पुरीले जानकारी दिए ।
थाहाका राजनीतिक सल्लाहकार विष्णु विष्टले पदबाट दिएकाे राजीनामा पनि११ बैशाखमै स्वीकृत भएकाे नगरपालिकाले जनाएकाे छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
