मकवानपुर थाहा नगरपालिकाको इन्द्रायणी चौरमा २६ पुसबाट थाहा गोल्डकप फुटबल प्रतियोगिता शुरु भएको भएको छ । गोल्डकपको थाहा नगरपालिकाका उपप्रमुख खड्ग गोपालीले उद्घाटन गरे । थाहा नगरपालिकाको मुख्य आर्थिक सहयोगमा संचालन भैरहेको प्रतियोगितामा स्थानीय तथा विभिन्न जिल्लाका गरी ३२ टिमको सहभागिता रहेको छ ।
प्रतियोगिता अन्तर्गत भएको उद्घाटन खेलमा पारिजात मेमोरियल चित्लाङले स्वच्छन्द भैरव युवाक्लबलाई १–० गोल अन्तरले पराजित गरेको छ भने डाँडाबास फुटबल क्लब आग्राले शिखरक्लब शिखरकोटलाई २–० गोल अन्तरले पराजित गरेको छ । प्रतियोगिता नकआउटको आधारमा खेलाइएको हो ।
यसअघि प्रतिगोगिताको उद्घाटन गर्दै थाहानगर उपप्रमुख गोपालीले खेलकुदको विकास गर्न नगरपालिकाले सधै साथ र सहयोग गर्ने बताए । कार्यक्रममा थाहा नगरपालिकाका जनप्रतिनिधि स्थानिय राजनितिक दलका नेता कार्यकर्ता संघ सस्थाका प्रतिनिधि लगाएल खेल प्रेमी सर्वसाधारणको उल्लेख्य उपस्थिती रहेको थियो ।
ऋषेश्वर ११ क्लब थाहा–४ ले आयोजना गरेको प्रतियोगिता नाइन ‘ए’ साईड खेलाइएको छ । प्रतियोगितामा प्रथम पुरस्कार १ लाख रुपियाँ नगद तथा दोस्रो हुने टिमलाई ५० हजार रुपियाँ पुरस्कार राशी रहेको क्लबका सुमन विष्टले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
