फुटबलमा मकवानपुरकै अब्बल ठहरिएकाे थाहा नगरपालिकामा तेस्रो थाहा गाेल्डकप २६ पुसबाट शुरु भएकाे छ । थाहा नगरपालिकाकाे आयाेजनामा इन्द्रायणी चाैर खेल मैदानमा शुरु गाेल्डकपकाे राष्ट्रिय सभा सदस्य तथा प्रतायोजित तथा सरकारी आश्वासन समितिका सभापति रामनारायण बिडारीले उद्घाटन गरे ।
मकवानपुरकाे २० सहित २६ टिमले सहभागिता जनाएकाे गाेल्ड कपकाे शुरुवाती खेल महाङ्काल युवा क्लब र प्रगतिशील युवा क्लब हेटौंडा बीच भयाे । साे खेलमा १ गाेल हानेर महाङ्काल बिजयी बन्याे ।
२७ पुस बिहान ८ बजेदेखि अरु खेल हुनेछन् । बिहान डिवाइसि डाडाबास र आहुती युवा क्लब थाक्रे धादिङबीच भिडन्त हुनेछ । ५ माघसम्म चल्ने प्रतियोगितामा प्रथम हुने टिमले रु. १ लाख पुरस्कार पाउनेछ ।
थाहा नगर खेलकुद विकास समितिका संयोजक राजेस केसीको सभाध्यक्षतामा गाेल्ड कपकाे उद्घाटन भएकाे थियाे । साे अवसरमा थाहा नगरपालिका प्रमुख लवशेर बिष्ट ,मनहरी गाउँपालिकाका अध्यक्ष एकराज उप्रेती, थाहा नगरका प्रमुख प्रसाशकीय अधिकृत हरिलाल पुरी, थाहनरा १ का अध्यक्ष हेरमान गोपाली, २ का वडा अध्यक्ष गुप्तबहादुर कार्की लगायतकाे उपस्थिति रहेकाे थियाे ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
