मकवानपुरको थाहा नगरपालिका वडा नं.६ बज्रबाराहीबाट लागूऔषधसहित प्रहरीले दुई जना पक्राउ गरेको हो ।
पक्राउ पर्नेमा काठमाण्डौ चन्द्रागिरी नगरपालिका वडा नं.८ मातातिर्थ बस्ने बर्ष ३० को अरबिन खरेल र कैलाली टिकापुर नगरपालिका–६ बस्ने बर्ष २७ को अंकित अधिकारी रहेका छन् ।
उनीहरुलाई लागूऔषध नाईट्रोभेट २२ पत्तासहित पक्राउ गरेको ईलाका प्रहरी कार्यालय पालुङले जानकारी दिए।
प्रहरीका अनुसार, बज्रबाराही सडकखण्डमा काठमाण्डौतर्फ जाँदै गरेको बा.प्र.०६–०१ प ३७६६ नम्बरको मोटरसाइकलमा सवार उनीहरुलाई चेकजाँच गर्दा सो परिमाणको लागूऔषध बरामद भएपछि निजहरुलाई पक्राउ गरिएको हो ।
पक्राउ परेका उनीमाथि प्रहरीले आवश्यक अनुसन्धान साथै कानूनी प्रकृया अगाडि बढाइएको ईलाका प्रहरी कार्यालय पालुङले जनाएको छ।
-1730269645.jpg)
