मकवानपुरको साविक दामन–६(हाल थाहा नगरपालिका–४) मा जन्मिएकी राममाया विष्ट (थापा) इङ्ल्याण्ड राज्य परिषद्को अध्यक्ष पदमा भारी मतसहित विजयी भएकी छिन् । इङ्ल्याण्ड राज्य परिषद्को २०२३–२०२५ कार्यकालमा कोषाध्यक्षको भूमिका निर्वाह गरेकी उनले आगामी कार्यकालका लागि अध्यक्ष पदमा उम्मेदवारी दिएकी थिइन् ।
करिब दुई दशकदेखि बेलायतमा बस्दै आएकी उनले परिषदको अध्यक्ष पदमा उम्मेदवारी दिएसँगै प्रचारप्रसारलाई तीव्र पारेकी थिइन् । अध्यक्ष पदमा फराकिलो मतान्तरले विजयी थापाले आफ्ना मतदाता, शुभचिन्तक र सहयोगी सबैलाई धन्यवाद दिएकी छिन् । उनले आफ्नो विजयलाई साझा सफलताको रुपमा लिन आग्रह गर्दै इङ्ल्याण्ड राज्यमा रहेका नेपाली समुदायको उन्नतिको लागि दृढ योजनासहित अघि बढ्ने प्रतिवद्धता व्यक्त गरेकी छिन् ।
विगतदेखि नै समाजसेवामा सक्रिय थापाले विभिन्न संघसंस्थाको नेतृत्वसमेत सम्हालिसकेकी छिन् । विपद् व्यवस्थापन, महिला सशक्तिकरण, क्षमता विकास र नेपालप्रतिको भावनात्मक सम्बन्ध विकासमा उनले भूमिका निर्वाह गर्दै आएकी छिन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
