थाहा नगरपालिकाको १२ वटै वडामा एमालेले वडा पार्टी कार्यालय स्थापना गर्ने भएको छ । १६ कात्तिकमा बसेको वडा पार्टी अध्यक्ष तथा सचिवहरुको बैठकले थाहानगरको सबै वडामा कार्यालय स्थापना गर्ने निर्णय गरेको हो ।
तिहारलगत्तै वडा कमिटीहरुको बैठक बसेर पायक पर्ने स्थानमा कार्यालय स्थापनाको निर्णय गर्ने र ११ मंसिर शनिबारका दिन सबै वडा कार्यालयहरुको एक साथ उद्घाटन गरिने एमाले थाहानगरका अध्यक्ष अच्युत्तमप्रसाद ढकालले जानकारी दिए ।
थाहा नगरमा गत ६ कात्तिकमा एमालेको वडा अधिवेशनबाट वडा कमिटीहरु निर्वाचित भएपछि पहिलोपटक नगर कमिटीसँग बैठक बसेर वडामै कार्यालय स्थापना गरेर वडावडामा व्यापक परिचालित हुने प्रतिवद्धता व्यक्त गरेका हुन् ।
एमाले नगर अध्यक्ष ढकालको अध्यक्षतामा बसेको बैठकमा पार्टीका वडा अध्यक्षहरुले वडाहरुको राजनीतिक अवस्थाको बारेमा सुक्ष्म विश्लेषणात्मक प्रतिवेदन प्रस्तुत गरेका थिए । बैठकमा एमाले जिल्ला सदस्य बिमलकुमार ढकाल, जिल्ला सदस्य सगुनकुमार ढकाल, थाहा नगर कमिटीका उपाध्यक्ष हेमकुमार थिङ, सचिब कुमार नेगी लगायतको सहभागिता रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
