थाहा नगरपालिकाको डाँडाबासमा जारी थाहा र कैलाशको वडा स्तरीय पुरुष भलिबल प्रतियोगिताको फाइनलमा आयोजक सल्ले राम्चे युवा क्लब र खेलकुद बिकास समिति थाहा २ पुग्न सफल भएका छन् ।
आज सेमिफाइनल खेलकाे समीकरण पूरा भएकाे प्रतियोगिताक संयोजक सुजिन्द्र गोलेले जानकारी दिए ।
सेमिफाइनलमा आयोजक ए ले ससक्त युवा क्लब रातो थाहा ७ लाई र थाहा २ ले थाहा ५ लाई पराजित गर्दै फाइनल यात्रा तय गरेको हो ।
प्रतियोगिताको तेस्रो स्थानको लागि ससक्त र थाहा ५ बिच २५ गते बिहान खेल हुनेछ भने फाइनल खेल १२ बजे हुने जनाइएको छ।
प्रतियोगितामा प्रथम हुनेले ५१ हजार १ सय ५१,दोस्रो हुने टिमले ३१ हजार १ सय ३१ र तृतीय हुने टिमले १३ हजार १ सय १३ नगद सहित शिल्ड,मेडल र प्रमाणपत्र प्राप्त गर्ने छन।
प्रतियोगितामा उत्कृष्ट हुने खेलाडी र बिधागत तर्फ उत्कृष्ट हुने खेलाडिहरुलाई पनि नगद र शिल्ड प्रदान गरिने आयोजकले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
