आज २२ कात्तिकबाट थाहा नगरपालिकाको डाँडाबासमा अन्तर-वडा मैत्रीपूर्ण पुरुष भलिबल प्रतियोगिता सुरु भएको छ।
सल्ले राम्चे युवा क्लबको आयोजना तथा हिमशिखर बचत तथा ऋण सहकारी संस्थाको सह आयोजना र वडा न ७ को मुख्य सहयोगमा प्रतियोगिता डाँडाबासकाे दुईवटा मैदानमा सुरु भएको हो । २५ कात्तिकसम्म संचालन हुने प्रतियोगिताको वडा न ७ का अध्यक्ष शिवराज थिङले उद्घाटन गरेका हुन् ।
थाहा र कैलाशको समेत २० टिमको सहभागिता रहेको प्रतियोगिता उद्घाटन समारोह प्रतियोगिताको संयोजक सुजिन्द्र गोलेको अध्यक्षता तथा वडा न ७ का अध्यक्ष शिवराज थिङको प्रमुख आतिथ्यता रहेको थियाे । समारोहमा थाहा नगर खेलकुद विकास समितिका संयोजक टिकाराम स्याङ्तानको विशिष्ट आतिथ्यता रहेको थियो भने वडा न ३ का अध्यक्ष हिरेन्द्रकुमार रायमाझी, वडा न १ का कार्यवाहक वडा अध्यक्ष सरोज प्रधान, वडा न ७ का वडा सदस्य देवेन्द्र थापा मगर,थाहा नगरपालिकाका रोजगार संयोजक कुमार नेगी, सुन्दरीदेवी माबिका प्रधानाध्यापक हरिकृष्ण कार्कीलगायतकाे उपस्तिथि रहेको थियो ।
२० टिमकाे सहभागिता रहेकाे प्रतियोगितामा आज पहिलाे दिन १० खेल सम्पन्न भएकाे सुनिता वाइबाले जानकारी दिइन् । आजकाे खेलमा आयाेजक ए, थाहा-३, थाहा-५, थाहा-२, सशक्त, थाहा-४, थाहा-१, आयाेजक बी, चण्डेश्वरी र थाहा-१० ले जित निकालेका छन् ।
प्रतियोगितामा प्रथम हुनेले ५१ हजार १ सय ५१,दोस्रो हुने टिमले ३१ हजार १ सय ३१ र तृतीय हुने टिमले १३ हजार १ सय १३ नगद सहित शील्ड,मेडल र प्रमाणपत्र प्राप्त गर्नेछन् ।
प्रतियोगितामा उत्कृष्ट हुने खेलाडी र बिधागततर्फ उत्कृष्ट हुने खेलाडीहरुलाई नगद र शील्ड प्रदान गरिने आयोजकले जनाएको छ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
