जेष्ठ ६ गते भित्र विद्युत महशुल बुझाए छुट पाईने

विश्वभर फैलिरहेको कोरोना (कोभिड–१९) भाईरसको महामारीले भएको लकडाउनका कारण आवत जावतमा समस्या भएर विद्युत महशुल बुझाउन नसकेका ग्राहकहरुलाई नेपाल विद्युत प्राधिकरणले सो अबधीको महशुलमा छुट सुबिधा दिने भएको छ । 

लकडाउनका कारण कार्यालय सम्म पुगेर महशुल तिर्न समस्या भएकाले अनलाईनबाट तिर्न सूचना जारी गरेको भए पनि  सो अबधीमा महशुल नतिरेका ग्राहकहरुलाई सुबिधाहोस भनेर प्राधिकरणले यो छुट दिएको हो । प्रधिकरणले २०७६ फाल्गुण महिनाको बिलवापतको महशुल २०७७ बैसाख मसान्तसम्म बुझाए जरिवाना नलाग्ने  जनाएको छ । २०७६ चैत्र र २०७७ बैसाख महिनाको महशुल २०७७ जेष्ठ ६ सम्म बुझाए  नियमानुसार छुट सुविधा पाईने छ र ग्राहस्थ वर्गका ग्राहकहरुको २०७६ चैत्र र २०७७ बैसाख महिनाको महशुल २०७७ जेष्ठ ६ सम्म बुझाए  १५० युनिट सम्मको  विद्युत  खपतमा उक्त महिनाको विलको  ईनर्जी  शुल्कमा २५ प्रतिशत छुट पाईने प्रधिकरणले जानएको छ । 

प्राधिकरणको पालुङ वितरण केन्द्रले पनि एकलाख भन्दा बढी महशुल भएका ग्राहक महानुभावहरुले कार्यालय सँग समन्वय गरि बैंकमा र १ लाख भन्दा कम महशुल भएका ग्राहक महानुभावहरुले अनलाईन मार्फत महशुल तिर्न सकिने व्यवस्था गरिएको पालुङ वितरण केन्द्रका प्रमुख सन्तोष प्रसाद पन्तले बताए । लकडाउनका कारण कार्यालयमा आएर महशुल तीर्न कुनै समस्या भएर कार्यालयमा सम्पर्क गरे कार्यालयले त्यसको सहजिकरण गर्ने पालुङ वितरण केन्द्रले जनाएको छ ।