कोरोना रोकथाम कोषमा मुख्यमन्त्री मन्त्री एबम कर्मचारीहरुको सहयोग

रोजगारी थाहा टाइम्स

प्रदेश सरकारले स्थापना गरेको बागमती प्रदेश कोरोना सङ्क्रमण रोकथाम, नियन्त्रण तथा उपचार कोषमा मुख्यमन्त्री तथा मन्त्रीपरिषदको कार्यालयले सहयोग रकम जम्मा गरेको छ । कार्यालयले कोषको लागि मुख्यमन्त्री एबम सम्पुर्ण मन्त्रीहरु, प्रमुख राजनीतिक सल्लाहकार र सचिवालयका कर्मचारी तथा कार्यलयका कर्मचारीहरुबाट ७ लाख ६४ हजार ७७ रुपैयाँ २७ चैतमा कोषको खातामा जम्मा गरेको हो ।

मुख्यमन्त्री एबम सम्पुर्ण मन्त्रीहरु, प्रमुख राजनीतिक सल्लाहकार र सचिवालयका कर्मचारीको तर्फबाट ५ लाख ९० हजार २ सय ३३ रुपैया, कार्यलयका कर्मचारीहरुको तर्फबाट १ लाख ७३ हजार ८ सय ४४ रुपैयाँ जम्मा गरिएको मुख्यमन्त्री तथा मन्त्रीपरिषद कार्यालयका लेखा अधिकृत देबिप्रसाद गौतमले जानकारी दिए ।

यसअघि मुख्यमन्त्री, मन्त्री तथा मुख्यमन्त्रीका राजनीतिक सल्लाहकारहरुको एक महिनाको सुबिधाबापतको रकम र कर्मचारीको पद अनुसार ३,५ र ७ दिनको तलब बराबरको रकम कोषमा जम्मा गर्ने निर्णय गरिएको थियो । कोषमा सहयोग गर्न चाहनेले राष्ट्रिय वाणिज्य बैंकको खाता नम्बर १३००५०३०००००२ मा रकम जम्मा गर्न सकिने लेखा अधिकृत गौतमले बताए ।

Thaha Times

थाहा टाइम्स

thahatimes@gmail.com

सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०