रुपन्देहीमा कार दुर्घटना हुँदा तीन जनाको मृत्यु भएको छ। अर्का एकजना गम्भीर घाइते भएका छन्।शुक्रबार राति परासीबाट भैरहवातर्फ आउँदै गरेको लु २ च ६७५६ नम्बरको कार दुर्घटनामा परेको रुपन्देही प्रहरीले जनाएको छ।
दुर्घटनामा ज्यान गुमाउनेमध्ये रुपन्देहीकै ओमसतिया गाउँपालिका ४ का २६ वर्षीय देवेन्द्र चौधरीको मात्रै सनाखत भएको छ। बाँकी दुई जनाको पहिचान खुल्न बाँकी रहेको जिल्ला प्रहरी कार्यालय रुपन्देहीले जनाएको छ। कार चौधरीले चलाएका थिए।
दुर्घटनामा रुपन्देहीको सिद्धार्थनगर नगरपालिका ४ का ३० वर्षीय अनिल यादव गम्भीर घाइते भएका छन्। कार सडकबाट करिब १० मिटर तल खसेको छ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
