नेपाली काँग्रेस मकवानपुरको अधिवेशनसम्मको नेतृत्व कार्यवाहक सभापति विष्णुप्रसाद लामिछानेले सम्हाल्ने भएका छन् । नेपाली काँग्रेसको १४ औं महाधिवेशनबाट तत्कालीन मकवानपुर सभापति इन्द्र बहादुर बानियाँ बागमती प्रदेशको सभापतिमा निर्वाचित भएपछि बिहीबार उपसभापति लामिछानेले कार्यवाहक सभापतिको पदभार ग्रहण गरेका हुन् ।
केही समयअघि बानियाँको अध्यक्षतामा बसेको काँग्रेस मकवानपुरको बैठकले कार्यवाहक सभापतिको जिम्मेवारी लामिछानेलाई सुम्पिने निर्णय गरेको थियो । उक्त बैठकमा बानियाँले जिल्लाका पदाधिकारीहरूलाई पनि जो जुन पदमा छ, सोही पदमा रहेका आफ्नो जिम्मेवारी निर्वाह गर्न निर्देशन दिएका थिए ।
लामिछानेले यसअघि पनि मौखिक रुपमा काँग्रेस मकवानपुरको कार्यवाहक सभापतिको जिम्मेवारीमा रहेर काम गरिरहेका थिए । काँग्रेस मकवानपुरको अधिवेशन नहुँदासम्म लामिछानेले सभापतिको भूमिका निर्वाह गर्नेछन् । काँग्रेसको जिल्ला अधिवेशनको मिति भने तय भएको छैन ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
