नेकपा एमाले थाहा नगर कमिटीको कार्यालय उद्घाटन गरिएको छ । थाहा नगरपालिका–४, थानाबजारस्थित महालक्ष्मी विकास बैंक रहेको घरको माथिल्लो तलामा स्थापना गरिएको एमाले नगर कमिटीको कार्यालय एक कार्यक्रमबीच ६ मंसिरमा उद्घाटन गरिएको हो ।
एमाले थाहा नगर कमिटीका पदाधिकारी तथा सदस्यहरुको सहभागितामा अध्यक्ष अच्युत्तमप्रसाद ढकालले पार्टी कार्यालय उद्घाटन गरेका हुन् । कार्यालय उद्घाटन गर्दै अध्यक्ष ढकालले गत १३ कात्तिकमा नगर अधिवेशनबाट आगामी ३ वर्षका लागि नयाँ कमिटी निर्वाचित भएपछि एमाले थाहानगर संस्थागत र संगठनात्मक विकासका लागि क्रियाशील हुन थालेको बताए ।
एमाले थाहा नगर कमिटीको कार्यालयसँगै राष्ट्रिय युवा संघ नेपाल र अखिल नेपाल महिला संघ थाहा नगरको कार्यालय पनि उद्घाटन गरिएको छ । युवा संघका नगर अध्यक्ष प्रदिप भट्ट र महिला संघका नगर अध्यक्ष सुमित्रा केसीले आआफ्नो कार्यालयको साइनबोर्ड अनावरण गरेर उद्घाटन गरेका हुन् ।
कार्यालयसँगै सय जनाभन्दा बढी भेला गर्न सकिने हलसमेत रहेको एमाले थाहा नगर कमिटीका सदस्य रामराजा केसीले जानकारी दिए ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
![fdk;fb-;fksf]6f-(4)-1786591258.png](https://www.thahatimes.com/public/images/news/2026-08-12/400/fdk;fb-;fksf]6f-(4)-1786591258.png)
-1787203379.png)
![yfxf-kf]lnlSnlgsdf-ljz]if-1787138887.png](https://www.thahatimes.com/public/images/news/2026-08-19/400/yfxf-kf]lnlSnlgsdf-ljz]if-1787138887.png)
