मकवानपुर थाहानगरको चित्लाङ माझ गाउँमा जारी जिल्लास्तरीय रनिङशिल्ड भलिबल प्रतियोगिताको फाइनलमा थाहानगर पालुङको विनयबाबु स्मृति प्रतिष्ठान र बज्रवाराही मावि प्रवेश गरेको छ। विनयबाबु स्मृति प्रतिष्ठान पालुङले देशकुमारी युवाक्लब चित्लाङलाई ३–१ सेटले पराजित गर्दै फाइनलमा प्रवेश गरेको हो । त्यस्तै बज्रवाराही मावि ‘ए’ले बज्रवाराही मावि ‘बी’ लाई ३–१ सेटले पराजित गर्दै फाइनलमा प्रवेश गरेका हुन् ।
प्रतियोगिता अन्तर्गत १ माघमा बज्रवाराही मावि ‘बी’ र देशकुमारी बीच तेस्रो स्थानको लागि विहान ११ बजे र फाइनल खेल विनयबाबु स्मृति प्रतिष्ठान र बज्रवाराही मावि ‘ए’ बीच दिउँसो १ बजे हुने आयोजकले बताएको छ । स्वच्छन्द भैरव युवा क्ल्बको आयोजनामा भएको प्रतियोगितामा विभिन्न १३ टिमको सहभागिता रहेको थियो ।
प्रतियोगिताको प्रथम टिमलाई ४० हजार, दोस्रोलाई २० र तेस्रो हुनेलाई १० हजार शिल्ड मेडल तथा प्रमाणपत्रहरु रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
