निषेधाज्ञा उलङ्घन गर्ने १९ वटा सवारीलाई मकवानपुर प्रहरीले १९ जेठमा नियन्त्रणमा लिएको छ । जिल्ला प्रहरी कार्यालय मकवानपुरले जिल्लाको विभिन्न स्थानमा निषेधाज्ञा उलङ्घन गर्ने सवारीलाई नियन्त्रणमा लिएर छाडिएको प्रहरी नायब उपरीक्षक जयश्वर रिमालले जानकारी दिए ।
निषेधाज्ञा उलङ्घन गर्ने एउटा बसलाई कोभिड–१९ सङ्कट व्यवस्थापन अध्यादेशबमोजिम रु. पाँच हजार जरिवानासमेत गरिएको उनले बताए ।
जिल्लाको विभिन्न स्थानमा निषेधाज्ञा उलङ्घन गरी हिँडडुल गरिरहेका ८१ जना व्यक्तिलाई ‘होल्ड’ गरी सम्झाई–बुझाई छाडिएको प्रहरीले जनाएको छ ।
मकवानपुरमा गएको बैशाख १९ गतेदेखि निषेधाज्ञा जारी रहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
