मकवानपुर थाहा नगरपालिकाले ११ औं गणतन्त्र दिवसको अवसरमा प्रथम मेयर कप भलिबल प्रतियोगिता गर्ने भएको छ ।
थाहानगरमा रहेका अन्तर माविस्तरीय मेयर कप भलिबल प्रतियोगिता यहि जेठ १४ देखि १६ गतेसम्म संचालन गर्न लागेको प्रमुख प्रशासकीय अधिकृत हरिलाल पुरीले जानकारी दिए । प्रतियोगितामा छात्र र छात्रा दुवै भिन्दाभिन्दै समूह बनाएर सहभागिता जनाउन सक्नेछन् ।
प्रतियोगिता थाहा नगरपालिका वडा नं. ३ स्थित जनकल्याण माध्यमिक विद्यालयमा हुने भएको छ । प्रतियोगिताको प्रथम, द्विती र तृतीय विद्यालयका छात्र÷छात्रा समूहलाई छुट्टाछुट्टै १५ हजार, १० हजार र ५ हजार नगद सहित शिल्ड, मेडल तथा प्रमाणपत्र वितरण गरिने सामाजिक विकास शाखा प्रमुख अनिल लामिछानेले जानकारी दिए । प्रतियोगितमा थाहानगरका ११ सामुदायिक सहित १६ विद्यालयले सहभागिता जनाउनेछन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
