मकवानपुर कैलाश गाउँपालिकाले गरेको शिक्षक सरुवा कार्यलाई कार्यान्वयन नगर्न उच्च अदालत पाटन हेटौंडाले २३ असोजमा अन्तरिम आदेश जारी गरेको छ ।
कैलाश गाउँपालिकाले शिक्षक सरुवा गरेको भन्दै गाउँपालिकालाई विपक्षी बनाई मोहनलाल शिवाकोटीले उच्च अदालत पाटन हेटौंडामा निवेदन दिएका थिए । निवेदकको तर्फबाट अधिवक्ता अमृत कुमार लामाले बहस गरेका थिए । अदालतले गाउँपालिकालाई १५ दिनभित्र लिखित जवाफ पेश गर्न समेत अन्तरिम आदशेमै भनेको छ भने सरुवा भएका शिक्षकहरुलाई अर्को आदेश नहुन्जेसम्म साविककै विद्यालयमा हाजिर हुन भनिएको छ ।
मुलुकभर रहेका ७५३ वटा स्थानीय तहमध्ये कैलाश गाउँपालिकाले पहिलोपटक दरबन्दी मिलान गरी शिक्षकहरु सरुवा गरेको थियो । विद्यार्थीहरु नभएको विद्यालयमा शिक्षक बढी हुने र बिद्यार्थी बढी हुने विद्यालयमा शिक्षक अभाव हुने भएकाले विद्यालयको शैक्षिक गुणस्तर विकासका लागि गाउँपालिकाले नेपालको संविधानको धारा २२६, अनुसूचि ८ र स्थानीय सरकार संचालन ऐन २०७४ को दफा १०२ बमोजिम बनेको कैलाश गाउँपालिकाको गाउँ शिक्षा ऐन २०७५ को दफा ३३ बमोजिम दरबन्दी मिलान गरेको दाबी गरेको छ ।
हेर्नुहोस् आदेशः
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1787657569.png)
-1787655185.png)
![fdk;fb-;fksf]6f-(4)-1786591258.png](https://www.thahatimes.com/public/images/news/2026-08-12/400/fdk;fb-;fksf]6f-(4)-1786591258.png)
-1788174858.png)