मकवानपुरको इन्द्रसरोवर गाउँपालिकामा आजबाट र्यापिट डाइग्नोस्टिक टेष्ट (आरडिटी) विधिबाट कोरोनाको परिक्षण सुरु गरिएको छ । इन्द्रसरोवर गाउँपालिकाले हिजो चैत्र ३ गते नै स्वास्थ्य कार्यालय मकवानपुरबाट कोरोना भाइरस (कोभिड-१९) को र्यापिट डाइग्नोस्टिक टेष्ट (आरडिटी) गर्ने सामग्री ल्याएको थियो । आज गाउँपालिकाको वडा नं.२ कुलेखानीमा बिदेशबाट आएका ४ जनाको आरडिटी टेष्ट सम्पन्न गरिएको गाउँपालिकाका अध्यक्ष जीवन लामाले जानकारी दिए ।
आज परिक्षण गरिएकाहरु ४ जनाकै नतिजा नेगेटिभ आएको गाउँपालिकाको स्वास्थ्य शाखाले जनाएको छ । गाउँपालिकाले भोलि चैत्र ५ गते नै गाउँपालिका भित्र बिदेशबाट आएका सबैजनाको र्यापिट टेष्ट कार्य सम्पन्न गर्ने जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
