आफ्नो जग्गाको ग्रेवल, गिटी बालुवा क्रसर उद्योगमा ओसारिएको प्रति मनहरी गाउँपालिका ३ भुन्द्रुङका किसानहरु आन्दोलित भएका छन् ।
हेटौँडा उपमहानगरपालिका वडा नं १९ स्थित जयलक्ष्मी क्रसर उद्योगमा आफ्ना खेत रहेको राप्तीकिनारबाट ग्रेवल लगिएको उनीहरुले बताएका छन् । १५ दिनदेखि निरन्तर रुपमा ग्रेवल ओसारिएपछि किसानहरुले सोमबार अमिन मगाएर जग्गा नापेका थिए । तर, जग्गा नाप्न थालेपछि बिचौलियाहरुले अमिनलाई धम्क्याउने र स्थानीय किसानहरुलाई समेत ठिक पार्ने धम्की दिएपछि अमिन समेत भागेको बताइएको छ ।
किसानहरुका अनुसार २०० बिगाह जति क्षेत्र बगरको लालपुर्जा उनीहरुसँग छ । तर थाहै नदिई जिल्ला समन्वय समितिले क्रसरहरुलाई उत्खनन् गर्न अनुमति दिएकाले आन्दोलित हुनुपरेको किसानहरुले बताए । उनीहरुले आफ्ना खेतमा भइरहेको उत्खनन् बन्द गर्न र उत्खनन् भएका ग्रेवलबापतको क्षतिपूर्ति माग गर्दै जिल्ला समन्वय समिति तथा जिल्ला प्रशासन कार्यालयसम्म पुग्ने बताएका छन् । उत्खनन्मा अबरोध पु¥याएको भन्दै बिचौलियाहरुले भुन्द्रुङ संरक्षण समितिका पदाधिकारीहरुलाई समेत धम्क्याएको बताइएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
