दक्षिण कोरियामा रोजगारीका लागि कोरियन भाषा परीक्षाको आवेदन खुलेको छ । सोमबार ईपीएस कोरिया शाखाले एक सूचना जारी गर्दै भाषा परीक्षाको आवेदन खुला भएको जानकारी गराएको हो ।
नेपाली नागरिकलाई श्रमिकका रूपमा कोरिया पठाउने प्रयोजनका लागि निकट भविष्यमै भाषा परीक्षा सञ्चालन गर्न एचआरडी सर्भिस अफ कोरियाले परीक्षा तालिका पठाएको सूचनामा उल्लेख छ ।
सूचनाअनुसार भाषा परीक्षाबाट उत्पादनमूलक क्षेत्रतर्फ ३ हजार ५सय र कृषि तथा पशुपालन क्षेत्रतर्फ १८०० गरी कुल ५३०० जना नेपाली कामदार छनोट गर्ने छ ।
१८ वर्ष पूरा भई ३९ वर्ष ननाघेका उम्मेदवारले साउन २६ देखि ३१ गतेभित्र आवेदन दिन सक्नेछन् । परीक्षाबारेको विस्तृत जानकारी अर्को सूचनामार्फत गराइने बताइएको छ ।
हेर्नुहोस् सूचना :
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
